อปราเธนาติ ฯ เอวเมว โข มหาราช สตฺตานํ ทุรกฺขํ ปริตฺตํ อตฺตนา กเตน อปราเธน
น สิชฺฌตีติ ฯ สาธุ ภนฺเต นาคเสน สุวินิจฺฉิโต ปญฺโห คหนํ อรณํ กตํ อนฺธกาโร
อาโลโก กโต วินิเวตฺถิตํ ทฏฺฐิชาลํ ตุวํ คณวรุสภํ อาสชฺชาติ ฯ

มจฺจุปาสามุตฺติกปญฺโห จตุตฺโถ ฯ

ภนฺเต นาคเสน ตุมฺเห ภณถ ลาภี ตถาคโต จีวรปิณฺฑปาตเสนาสนคิลาน-
ปจฺจยเภสชฺชปริกฺขารานนฺติ ปุน จ ตถาคโต ปญฺจสาลพฺราหฺมณคามํ ปิณฺฑาย ปวิสิตฺวา
กิญฺจิเทว ปิณฺฑปาตํ อลภิตฺวา ยถาโธเตน ปตฺเตน นิกฺขนฺโตติ ฯ ยทิ ภนฺเต นาคเสน
ตถาคโต ลาภี จีวรปิณฺฑปาตเสนาสนคิลานปจฺจยเภสชฺชปริกฺขารานนฺติ เตนหิ ปญฺจสาล-
พฺราหฺมณคามํ ปิณฺฑาย ปวิสิตฺวา กิญฺจิ เทว ปิณฺฑปาตํ อลภิตฺวา ยถาโธเตน ปตฺเตน
นิกฺขนฺโตติ ตํ วจนํ มิจฺฉา ฯ ยทิ ปญฺจสาลพฺราหฺมณคามํ ปิณฺฑาย ปวิสิตฺวา กิญฺจิเทว
ปิณฺฑปาตํ อลภิตฺวา ยถาโธเตน ปตฺเตน นิกฺขนฺโตติ เตนหิ ลาภี ตถาคโต
จีวรปิณฺฑปาตเสนาสนคิลานปจฺจยเภสชฺชปริกฺขารานนฺติ ตํปิ วจนํ มิจฺฉา ฯ อยํปิ อุภโต
โกฏิโก ปญฺโห สุมหนฺโต ทุนฺนิโพโธ ฯ เป ฯ นิพฺพาหิตพฺโพติ ฯ
ลาภี มหาราช ตถาคโต จีวรปิณฺฑปาต ฯ เป ฯ ปริกฺขารานํ
ปญฺจสาลพฺราหฺมณคามํ ปิณฺฑาย ปวิสิตฺวา ยถาโธเตน ปตฺเตน นิกฺขนฺโตติ ตญฺย ปน
กมฺมํ มารสฺส ปาปิมโต การณนฺติ ฯ เตนหิ ภนฺเต นาคเสน คณนาปถํ วีติวตฺเต
น กปฺเป อภิสํชตํ กุสลํ กึ นุ นิฏฺฐิตนฺติ ฯ อธุนฏฺฐิเตน ปาปิมตา มหาราช มาเรน
ตํ อกุสลพลเวควิปฺผาเรน ปิหิตนฺติ เตนหิ ภนฺเต นาคเสน ตสฺมึ วติถุสฺมึ ทฺวีสุ
ฐาเนสุ อุปวาโท อาคจฺฉติ กุสลโตปิ อกุสลํ วา พลวตรํ โหติ พุทฺธพลโตปิ มารพลํ
พลวตรํ โหติ เกน การเณน รุกฺขมูลโตปิ อคฺคํ ภารตรํ โหติ อุณสมฺปริกิณฺณโตปิ ปาปิยํ
พลวตรํ โหตีติ ฯ น หิ มหาราช ตาวตฺตเกน กุสลโตปิ อกุสลํ พลวตรํ โหติ น
พุทฺธพลโตปิ มารพลํ พลวตรํ โหติ อปิเจตฺถ การณํ อตฺถิ ตํ อิจฺฉิตพฺพํ ฯ ยถา
มหาราช ปุริโส จกฺกวตฺติรญฺโญ มธุญฺจ มธุปิณฺฑิกญฺจ อญฺญญฺจ กิญฺจิ อนนฺนปาน อุปยานํ
อภิหเรยฺย ตเมนํ ราชกุเล ทฺวารปาโล เอวํ วเทยฺย อกาโล โข รญฺโญ ทสฺสนาย อมฺโภ
ปุริส ตํ คเหตฺวา สีฆํ สีฆํ ปฏินิวตฺเตถ มา เต ราชา ทณฺฑํ ปาเปยฺยาติ ฯ ตโต
โส ปุริโส ราชทณฺฑภยา ตสิโต อุพฺภิโต อุปยานํ คเหตฺวา สีฆํ สีฆํ ปฏินิวตฺเตยฺย
อปิ นุ โข มหาราช โส ราชา จกฺกวตฺติ ตาวตฺตเกน อุปยานํ อปฺปหรณมตฺตเกน

ทฺวารปาลโต ทุพฺพตโร โหติ อญฺญํ วา ปน อุปยานํ น ลเภยยาติ ฯ น หิ ภนฺเต
อิสสาปกฺต โส ทฺวารปาโล อุปยานํ นิวาเรสิ อญฺเญน ทฺวาเรน สตสหสฺส คณํปิ รญฺโญ
อุปยานํ อุปฺปชฺชตีติ ฯ เอวเมว โข มหาราช อิสฺสาย มาโร ปาปิมา ปญฺจสาลคามเก
พฺราหฺมณคหปติเก อนุปาวิสิ อญฺญานิปิ อเนกานิ เทวตาสตสหสฺสานิ อมตทิพฺพโอชํ
คเหตฺวา อุปคตานิ ภควโต กาเย โอชํ โอหิสฺสามาติ ภควนฺตํ อญฺชลิกานิ นมสฺสมานานิ
ฐิตานีติ ฯ โหนฺตุ ภนฺเต นาคเสน สุลภา ภควตา จตฺตาโร ปจฺจยา โลเก อุตฺตมปุริสสฺส
ตาวตฺตกํ ปิณฺฑิยํ ยถิจฺฉิกํ ลพฺภติ ยาจิโต ภควา เทวตาหิ จตฺตาโร ปจฺจเย
ปรภุญฺชติ ฯ อปจ โข ปน มารสฺส โย อธิปฺปาโย โส ตาวตฺตเกน สิทฺโธ อยํ ภควโต
โภชนสฺส อนฺตรายมกาสิ เอตฺถ เม ภนฺเต กงฺขา นจฺฉิชฺชติ วิมติชาโต อหํ สํสยํ ปกฺขนฺโต
น เม ตตฺถ มานสํ ปกฺขนฺทติ ยํ หิ ตถาคตสฺส อรหโต สมฺมาสมฺพุทฺธสฺส สเทวเก
โลเก อคฺคปุคฺคลวรสฺส กุสลวรปุญฺญสมฺภารสฺส อสมสมสฺส อนูปมสฺส กุจฺฉิตํ นิจฺฉํ ลามกํ
ปริตฺตํ อนริยํ วปนฺนํ มาโร ลาภนฺตรายมกาสีติ ฯ
จตฺตาริมานิ มหาราช อนฺตรายานิ เยหิ อนฺตรายํ กโรติ อทิฏฺฐอนฺตราเยน
อุทฺทิสฺสกตนฺตราเยน อุปกฺขตนฺตราเยน ปริโภคนฺตราเยนาติ ฯ กตมํ อทิฏฺฐนฺตรายํ
นาม ฯ ตตฺถ อโนทิสฺส อทสฺสเนน อภิสํขตํ โกจิ อนฺตรายํ กโรติ กึ ปรสฺส ทินฺเนนาติ
อิทํ อทิฏฺฐนฺตรายํ นาม ฯ กตมํ อุทฺทิสฺสกตนฺตรายํ นาม ฯ อิเธกจฺเจน ปุคฺคเลน
อุทฺทิสฺส โภชนํ ปฏิยตฺตํ โหติ ตํ เกนจิ อคุเณน อนฺตรายํ กโรติ อิทํ อุทฺทิสฺสกตนฺตรายํ
นาม ฯ กตมํ อุปกฺขตนฺตรายํ นาม ฯ อิธ ยํ กิญฺจิ อุปกฺขตํ อปฺปฏิคหิตํ ตตฺถ
เกนจิ อคุเณน วิมตึ อุปฺปาเทติ อิทํ อุปกฺขตนฺตรายํ นาม ฯ กตมํ จ ปริโภคนฺตรายํ
นาม ฯ อิธ ปริโภเค เกนจิ อคุเณน กุกฺกุจฺจํ อุปฺปาทยิตฺวา อนฺตรายํ กโรติ อิทํ
ปริโภคนฺตรายํ นาม ฯ อิเม โข มหาราช จตฺตาโร อนฺตรายา โหนฺติ ฯ ยญฺจ ปน
มาโร ปาปิมา ปญฺจสาลเก พฺราหฺมณคหปติเก อนฺวาวิสิ ตํ เนว ภควโต ปริโภคํ น
อุปกฺขตํ น อุทฺทิสฺสกตํ อนาคตํ อสมฺปตฺตํ อทสฺสเนน อนฺตรายํ กโรติ ฯ ตญฺจ ปน
ปริโภคนฺตรายํ น เอกสฺส ภควโตเยว ฯ อถ โข เตน สมเยน นิคฺคณฺฐา อพฺภาคตา
โหนฺติ เต สพฺเพปิ ตํ ทิวสํ โภชนํ น ลภึสุ ฯ นาหํ ตํ มหาราช ปสฺสามิ สเทวเก
โลเก สมารเก สพฺรหฺมเก สสฺสมณพฺราหฺมณิยา ปชาย สเทวมนุสฺสาย โย ภควโต
อุทฺทิสฺสกตํ อุปกฺขตํ ปริโภคนฺตรายํ กเรยฺย สเจปิ โกจิ อิสฺสาย วเสน อุทฺทิสฺสกตํ

อุปกฺขตํ ปริโภคนฺตรายํ กเรยฺย ตสฺส มุทฺธา ผเลยฺย สตธา วาสหสฺสธา วา ฯ
จตฺตารีมานิ มหาราช ตถาคตสฺส เกหิจิ อนาวรณียานิ ฐานานิ ฯ กตมานิ
จตฺตาริ ฯ ลาโภ โข มหาราช ภควโต นิยโต อุทฺทิสฺสกโต อุปกฺขโต น สกฺกา
เกหิจิ อนฺตรายํ กาตุํ ฯ สรีรานุคตา มหาราช ภควโต พฺยามปปภา น สกฺกา เกหิจิ
อนฺตรายํ กาตุํ ฯ สพฺพญฺญุตํ มหาราช ภควโต ญาณรตนํ น สกฺกา เกหิจิ อนฺตรายํ
กาตุํ ฯ ชีวิตํ มหาราช ภควโต น สกฺกา เกหิจิ อนฺตรายํ กาตุํ ฯ สพฺพานิปิ เอกรสานิ
อโรคานิ อกุปฺปานิ อฏฺฐานานิ อปโรปกฺกมานิ อผุสฺสานิ กิริยานิ ฯ อทสฺสเนน มหาราช
มาโร ปาปิมา นิลียิตฺวา ปญฺจสาลเก พฺราหฺมณคหปติเก อนฺวาวิสิ ฯ ยถา มหาราช
อิตฺถี สปติกา นิลียิตฺวา ปรปุริสํ เสวติ ฯ เอวเมว โข มหาราช มาโร ปาปิมา นิลียิตฺวา
ปญฺจสาลเก พฺราหฺมณคหปติเก อนฺวาวิสิ ฯ ยทิ มหาราช อิตฺถี สามิกสฺส สมฺมุขา
ปรปุริสํ เสเวยฺย อปิ นุ โข สา อิตฺถี โสตฺถึ ลเภยฺยาติ ฯ น หิ ภนฺเต หเนยฺยาปิ
ตํ ภนฺเต ทิสฺวา สามิโก วเธยฺยาปิ พนฺเธยฺยาปิ ทาสตฺตํ อุปเนยฺยาติ ฯ เอวเมว
โข มหาราช มาโร ปาปิมา นิลียิตฺวา ปญฺจสาลเก พฺราหฺมณคหปติเก อนฺวาวิสิ ยทิ
มหาราช มาโร ปาปิมา ภควโต อุทฺทิสฺสกตํ อุปกฺขตํ ปริโภคํ อนฺตรายํ กเรยฺย ถูสมุฏฺฐิ
วิย มาโร ปาปิมา วิกิเรยฺย สตธา วา สกสฺสธา วา ตสฺส สีสํ ผเลยฺย ฯ ยถา
วา ปน มหาราช รญฺโญ ปจฺจนฺติเม ปเทเส วิสเม โจรา นิลียิตฺวา ปณฺฐํ ทุสฺสนฺติ
ยทิ ราชา ตํ โจรํ ปสฺเสยฺย ตสฺส สีสํ ผรสุนา ผาเลยฺย สตธา วา สหสฺสธา
วา ฯ เอวเมว โข มหาราช มาโร ปาปิมา นิลียิตฺวา ปญฺจสาลเก พฺราหฺมณคหปติเก
อนฺวาวิสิ ยทิ มหาราช มาโร ปาปิมา ภควโต อุทฺทิสฺสกตํ อนฺตรายํ กเรยฺย ถูสมุฏฺฐิ
วิย มาโร ปาปิมา วิกิเรยฺย สตา วา สหสฺสธา วา ตสฺส สีสํ ผเลยฺยาติ ฯ เอวเมว
โข ภนฺเต นาคเสน โจริยกมฺมํ กตํ มาเรน ปาปิเมน นิลียิตฺวา ปญฺจสาลเก
พฺราหฺมณคหปติเก อนฺวาวิสิตฺวา ฯ สเจ โส ภนฺเต นาคเสน มาโร ปาปิมา ภควโต
อุทฺทิสฺสกตํ ปริโภคํ อุปกฺขตํ อนฺตรายํ กเรยฺย ตสฺส สีสํ ผเลยฺย สตธา วา สหสฺสธา
วา กาโย ตสฺส ถูสมุฏฺฐิ วิย วิกิเรยฺยาติ ฯ

ภควโต ลาภนฺตรายญฺโห ปญฺจโม ฯ

ภนฺเต นาคเสน ตุมฺเห ภณถ ตถาคโต สพฺเพสํ สตฺตานํ อหิตมหเนตฺวา
หิตมุปทหตีติ ปุน จ ภณถ อคฺคิกฺขนฺธูปเม ธมฺมปริยาเย เทสิยมาเน สฏฺฐิภิกฺขูนํ อนุปาทาย